Karakter boyutu : 12 Punto 14 Punto 16 Punto 18 Punto
Tegulan Yakup Temel
ЗИ УНАГЪУЭР ЯГЪЭК1УЭДА ЛЪЭПКЪ; АДЫГЭХЭР
19 Mayıs 2020 Salı Saat 19:50

Адыгэхэм зауэр я нат1эуэ я гъащ1эр яхьащ.


Зы лъэхъанэ, Тэнрэ Индылыжьрэ я зыхуакур адыгэхэм я шы гуартэхэм и хъуп1эу щыту, Хэкум и гъунап1къэхэр зы лъэныкъуэк1э Каспийм, адрей лъэныкъуэк1э Хы ф1ыц1эм еуал1эуэ щытащ.


Хэкур зэрыпхъуак1уэхэм щахъумэн папщ1э зауэшхуэхэр ирахьэк1ук1ащ адыгэхэм, л1эщ1ыгъуэк1эрэ ек1уэк1а а зауэ лъэхъанэхэм, лъэпкъым нэхъ хэплъыхьауэ, нэхъ жыджэри хэтхэм щыщхэу бжыгъэншэуэ ц1ыхум я псэр щатащ.


Адыгэхэм лъапсэрыхыр къыхуэзгъэк1а а зауэхэм адыгэхэм я бжыгъэр апхуэдизу хигъэщ1ати, тхыдэтх лъэпкъыл1 Исмейл Беркъукъу, " Тхыдэм Къыхэщ Кавказыр " зи ц1э и тхылъ гъуэзэджэм ар щыже1э, " 1850 гъэхэр къыщысам, лъэпкъым пашэ хуэхъуу лъэпкъыр зэрихьэну л1ыщхьэ Хэкум къинэжатэкъым " жери..


1864 гъэр...


Урыс Пащтыхьыгъуэм и л1ык1уэу Кавказым ягъэк1уа, пащтыхьым и къуэш Грандюк Мишел, зауэ лъы гъажэм къелыу Хэкум къинэжа Адыгэ т1эк1ум зыхуегъазэри ар яжьыре1э, “Зы мазэм и к1уэц1ым Кавказыр фымыбгынэу щытмэ, Урысейм и щ1ып1э лъэныкъуэ куэдымк1э фыщызбгырадзынущ .." жери..


Е Хэкум фик1ынущ, е фыдгъэк1уэдыпэнущ !Ат1э арат къик1ыр абы..


Къуэк1ып1э лъэныкъуэм, Къасбий и 1уфэм къыщыщ1идза Урысей - Кавказ зэбэныныгъуэр, 1864 гъэм Хы ф1ыц1э 1уфэм деж щиухат. Хэтым нэхъ къысщ1эплъэурэ, хэтым нэхъ зыпыужьыурэ илъэс 279 хуэдизк1э ик1уат Урыс - Адыгэ зауэр..


Адыгэхэм я псэр халъхьэу я адэжь щ1ыналъэр зэрахъумэным яужь итахэ щхьэк1э, Урыс Пащтыхьыгъуэм Хэкур гущ1эгъуншэу къезауэри зы1эщ1егъэхьа. Зауэм щыгъуэ лъэпкъым щыщ ц1ыху куэдым я псэ ятат, Адыгэ Лъэпкъри къарууншэ хъуат..


Адыгэхэр 1эмалыншэт...


Ц1ык1у - ин, ц1ыхухъу- ц1ыхубз зэрыщыту, илъэс мин бжыгъэ куэд лъандэрэ зыщыпсэу я унэ, я жьэгу, я пщ1ант1э, я къуажэ, зэтк1эри къысщанэри гъуагуанэ гуауэм техьахэт. Жып1эк1э пхунэмыгъэсыну зыгуэрэт Адыгэхэм къалъыса лейр. Кхъухь хьэбыршыбырхэм ирауба ц1ыхухэр Уэсмэн къэралыгъуэм и хы 1уфэхэм атк1э - мытк1э щыракъухь..


Зыпкъырыхуауэ, зыпкъырыщэщауэ, зыпэжыжэуэ, зыпэ1эщ1эуэ..


Ныт1э, “ И унагъуэр хуагъэк1уэдащ “ жыхуа1эр апхуэдэракъэ? Нобэр къыздэсми, а зрикъухьа щ1ык1эм тету апхуэдэщ дунейпсо адыгэхэр..


Тэгъулан Екьуб, Тыркум.


Bu yazı toplam 1008 defa okundu.





Bu yazıya yorum eklenmemiştir.
Sitemizin hiçbir vakıf, dernek vs. ile ilgisi yoktur. Sitede yayınlanan tüm materyallerin her hakkı saklıdır. Sitemizde yayınlanan yazı ve yorumların sorumluluğu tamamen yazarına aittir.
Siteden kaynak gösterilmeden yazı kopyalanamaz.
Copyright © Cherkessia.Net 2009 İletişim: info@cherkessia.net