Karakter boyutu : 12 Punto 14 Punto 16 Punto 18 Punto
КЪАНОКЪУЭ АРСЕН НАХУЭУЭ ЗЫХУУДОГЪАЗЭ
19 Şubat 2011 Cumartesi Saat 21:57

АрщхьэкIэ, а зэманым къыщыщIэдзауэ нобэ  къэсыхукIэ, тетыгъуэр зей цIыху зыбжанэмрэ  ахэм  я  Iэгъуэблагъэмрэ  щымыхъуа, цIыхубэм  я проблэмхэр хэщIын  дэнэ  къэна цIыхухэр  нэхъри нэхъ  тещIа хъуащ.

Абы  ищIыIужкIэи  « тэрроризмэ»  бэлыхьри  къыхэзэрыхьыжри, Iуэхур «къуий ищIыIу гъуэрэф» жыхуаIэм хуэдэ хъуащ.Махуэ  къэс  ди  цIыхухэм ящыщ зы къаукIри ар  икъукIэ гущIэхьэ тхохъу, ди гури  иреуд.

Лъэпкъыр  зыхэт гугъехьхэр щхьэшыха зэрэхъун щIыкIэм  утепсэлъыхьу  цIыхухэм  я гур фIы  пщIынкIэ дыныпщыгугъа  щхьэкIэ, къызэднэкIа  махуэхэм  жыпIа  мы  псалъэхэм  ди  гур  игъэкIуэдащ, «Черкес  проблэм  щэIэкъым, щэIэщ  жызыIэр  сымаджэщ», «Зэзэмызэ цIыху зыщыплI  зыхос лъэпкъым  я хъумакIуэуэ я пэрытууэ  залъытэжри, лъэпкъым  и тхыдэмрэ и блэкIамрэ  я зыфIэфIыурэ къагъэIуэрыщIэри къэралым  ис лъэпкъхэр  зыпыщIагъэувэ» жыбоIэри  жылагъуэм урысыр нэхъ куэду  игъэтысхьэн хуейуэ жыбоIаж.

Минрэ  Черкес  проблэм   щэIэкъым  жытIэми,махуэ  къас тлъагъухэм,   адыгэхэм  къыинышхуэ къом  зэраIэр къехьакI нехьакI имыIэуэ нахуэ  къещI.

Черкесхэр   лъапсэрых  зэращIар,  я  хэку  Черкесяр  залымыгъэкIэ зэрырагъэбгынар  ,  нобэ  я  хэкум нэгъунэ   зыбгырыдзауэ  зэрышытыр, диаспорами, я лъэпкъыщхьэр зэрырафIэкIуэдымрэ зэрыхэшыпсыхьыжымрэ шэч  хэмылъу  Iэнэм телъщ.

Дэ  мыхэр щIыжытIэр, блэкIа лъэхъанэхэм  къахъуа  мыхъумыщIагъахэм   дыкъытенэуэ  ахэм зыгуэрхэр  къидгъэкIыну  аракъым.АтIэ, тхыдэм  къыщыхъуахэр  гъэзэхуэжын  хуейщи, проблэмхэр  Уф-м  нобэ   щыпхыкI  хабзэхэмкIэ зыблэпхыфынущ, дуней  псом зэдаIыгъ хабзэхэми  къекIури  аращ.

ПщIэ зыхуэтщI  Канокъуэ,  фэ  сыт  хуэдызу   Черкес проблэм щэIакъым  жыфIэми,  дэ хэхэсхэр дызэхэс  лъэпкъхэм дазырыхэшыпсыхьыжыр махуэ  къэс долъагъу.

Аращи, ди Iэтащхьэхэмрэ  къэрал лIыкIуэхэмрэ,  фэ щымыIэуэ жыхуэфIа  Черкес  проблэмыр флъагъууэ,  абы гулъытэ   лей  зэрыхуэфщIыным  дыпоплъэ.Лъэпкъ  гузэвэгъуэ  зиIэ  хэкупсэхэм  щхьэкIэ « сымаджэ», «хьэулей» хуэдэ псалъэ игъуэджэхэр заревпэсри  догъэемыкIу.

Ди гур  ивуду гугъэпIэншэуэ  дыкъэвымыгъанэ, е   хэкIыпIэ  къавгъуэт  е  къэзгъуэтынухэм  фапэрымыуэ!

Cherkessia.net


Bu haber toplam 2021 defa okundu.


Bu habere yorum eklenmemiştir. İlk yorumu siz ekleyin.
Sitemizin hiçbir vakıf, dernek vs. ile ilgisi yoktur. Sitede yayınlanan tüm materyallerin her hakkı saklıdır. Sitemizde yayınlanan yazı ve yorumların sorumluluğu tamamen yazarına aittir.
Siteden kaynak gösterilmeden yazı kopyalanamaz.
Copyright © Cherkessia.Net 2009 İletişim: info@cherkessia.net