Karakter boyutu : 12 Punto 14 Punto 16 Punto 18 Punto
ЧЕРКЕСИЕМ ИКЪЭЛЭШЪХЬЭГЪАГЪЭУ ШЪАЧЪЭ ОЛИМПИАДЭ ЩАШIЫНЭУ ТЫФАЕП!
16 Eylül 2011 Cuma Saat 00:36

Мылым тетэу къэцIэлъэхьыным игупчэ ашIынэу рахъуахьыгъагъэ Красная полянэ зыфиIорэр  чIыопсыр къызщаухъумэн фае чIыпIэхэм  зэращыщыр ыкIи дунае культурэм изыIахьэу щыт темыр къохьапIэ Iодышъэм (кавказым) лъэпкъ паркхэм ыпашъхьэ дэдэм щашIырэ олимпиад къуаджэр, зыфэдэ къэмыхъугъэ Шъачэ  ичIыопсыр зэрэзэIигъэхьэрэр къаIощтыгъ.

Дмитрий Кокорев ти республикэхэм ыкIи официальнэ хасэ тиIэхэм зы гущыIэ зыщамыIощтыгъэ 2007-рэ илъэсым  лIыгъэ зыхэлъ еплъыкIэр къыгъэлъэгъогъагъ. Апэу Америкэм ис ти лъэпкъэгъухэр ары ти кIым-сымыгъэр зыкъутэгъэгъэр. Агъэбыракъыгъэ “No Sochi” лозунгыр адрэ хэхэс черкесхэм псынкIэу анэсыгъ ыкIи тятэжъхэр лъэпсэкIодэу агъэкIоди  яхэку къызырафыгъагъэ  хъугъэ шIагъэр зэрэдунаеу зэлъядгъэшIэным, черкесиер тэтый тIоным ыкIи черкес лъэпкъ гупшысэр зэрэхэдгъэхъоным иамал шъхьаIэхэм ащыщ хъугъэ.

Ары, ти хэку зыфэдэ къэмыхъугъэ дэхагъэ иIэхэр зэрэягъэкIодырэр  штэгъоягъ, ау, Шъачэ тэ тигууз зыщычатIэжьыгъэ ти къэкIоныгъэм игугъапIэхэм шъхъонтэрымэ зыщыпихыщтыгъэ ти къэлэ шъхьэIагъ, ти хэку ыгугъ. Джы Черкес лъэпкъым ыкIи лъэпкъым игукъэкIыжьхэм лъытэныгъэ  фамышIэу игугъапIэхэри аухынэу фаещтыгъэх.

ЕтIани Урысые федерацием кIымафэ олимпиадэхэм апай нахь къекIурэ чIыпIабэ иIэзэ Шъачэ зыкIыхахыгъэм политикэ ушъхьагъухэр иIагъ. Аужырэ илъэсхэм Урысые федерациер 2018-рэ дунае футбол зэнэкъокъури дыхэтэу интернационал зэнэкъокъу пстэуми Шъачэ зыгорэущтэу хегъахьэ ыкIи Путин щегъэжьагъэу къэралыгъо Iэшъхьэтетхэр пэмыкI къэралыгъохэм ялIыкIомэ Шъачэ щыIокIэх. Джа гъогумкIэ дунае сообществэм ишъхьакуцI Шъачэ къалэмрэ Урысыер зэготхэу, зэхэтхэу тырарыгъатхэнэу пылъых.

Мыхэр ашIэзэ итIани зыбгъукIэ историер мытэрэзэу къэгъэлъагъо, Шъачэ тихэку ыгоу зэрэщытыр аушъэфэу, къаугупщысыгъэ къэбархэмкIэ ащ и ужхэр тырагъэкIыжьынэу пылъых ыкIи лъэхъан зэфэшъхьафхэм щытхьэкIагъэ лъэпкъхэр ыкIи тятэжъхэр зыукIыгъэхэри дыхэтэу, ахэр Шъачэ зиягъэ шъыпкъэхэр  аIоу дунаем  макъэ арэгъаIу ау Черкесхэм ягугъуи япшыси къашIырэп.

Мы хъурэ пстэумкIи тиекIолIакIэхэр къэIогъэн фэягъ.

Ау статус-квор ренэу къэзгъэнэжьы шIоигъо ти хасэхэр, хэбзэжъхэм атетэу псэурэ организацие тиIэхэр, Урысые федерацием зышъхьэ Iоф шъэхъу зезымыфэрэхэр, мы IофымкIи цыхьэ зэрафэтымышIырэмкIэ тыхагъэукъуагъэп.

Шъачэ олимпиадэхэм апэуцужьырэ, и историем ыкIи инеущрэ мафэхэм фэгумэкIырэ хэгъэгупсэхэр (патриотхэр)  цIыф куп цIыкIухэу къагъэлъэгъоным ыужы итыгъэх. Ау лъэщэу зэрэхэукъуагъэхэр бэтемышIэу къагурыIощт.

Ти хасэ пстэури, политик купэу тиIэ пстэури ыкIи гумызагъэ пстэури, ащ ыпэкIэ зэфыряIагъэ зэгурымыIоныгъэхэр щагъэзыеу, зэфэдэу зэдырэгъащтэу, «Черкесием икъэлэ шъхьэIэгъагъэу Шъачэ олимпиадэхэм тыфаеп» зыцIэ платформэм щызэIукIэнхэу ыкIи  2014 Шъачэ олимпиадэхэм пэуцужьыгъэныр Черкесхэм рашIылIагъэ лъэпсэкIодыр ыкIи Черкесиер зэрэдунаеу зэлъядгъэшIэным игъогоу зэрэщытыр зэхатшIэу «Шъачэ олимпиадэхэм тыфаеп» зыцIэ банэр лъагэу дэхыегъэным пай тышъуаджэ.

Орэпсау Черкесэу(Адыгэ) тыкъэнэжьыным и банэр

Орэпсау Черкесиер

Черкесием ихэгъэгупсэхэр


Bu haber toplam 2231 defa okundu.


Hatko Nuri

çérkésyiém yikeleşheğağew şaçe wolyimpyiade şaş'ınew tıfaép!


16 Eylül 2011 Cuma Saat 00:36



“şaçe şaş`ışt wolyimpyiadexem tıfaép” zıs''e k'omyitétew moskva detım yi guşıaqou dmyitriy k'ok'orév kıuağe guşıeu “şaçe kızıhıç'e s''ıfığem şoqodı” lozung'im k'ézereşeleğeğexer zerewğoyiğağex.


mılım tétew kes''el'ehınım yigupçe aş`ınew rah'uahığağe krasnaya polyane zıfyiorer ç'ıwopsır kızşawoh'umen faé ç'ıp'exem zeraşışır ıç'yi dunaé k'ulьturem yizıahew şıt témır kohap'e odışem (kavkazım) l'epk parkxem ıpaşhe dedem şaş`ıre wolyimpyiad kwacer, zıfede kemıh'uğe şaçe yiç'ıwopsır zereze`yiğeherer kaoştığ.

dmyitriy k'ok'orév tyi réspublyikexem ıç'yi wofyis'yialьne xase tyiexem zı guşıe zışamıoştığe 2007-re yil'esım l`ığe zıxel' épl'ıç'er kığel'eğoğağ. apew améryikem yis tyi l'epkeğuxer arı tyi ç'ım-sımığer zıkuteğeğer. ağebırakığe “No Sochi” lozung'ir adre xexes çérkésxem psınç'ew anesığ ıç'yi tyatejxer l'epseqodew ağeqodyi yaxek'u kızırafığağe h'uğe şağer zeredunaéu zel'yadğeşenım, çérkésyiér tetıy t'onım ıç'yi çérkés l'epk gupşıser zerexedğeh'onım yiamal şhaexem aşış h'uğe.

arı, tyi xek'u zıfede kemıh'uğe dexağe yiexer zereyağeqodırer şteğoyağ, awo, şaçe te tyiguuz zışıçat'ejığe tyi keqonığem yiguğap'exem şh'onterıme zışıpyixıştığe tyi kele şheağ, tyi xek'u ıguğ. cı çérkés l'epkım ıç'yi l'epkım yigukeç'ıjxem l'ıtenığe famışeu yiguğap'exeryi awoxınew faéştığex.

ét'anyi wurısıé fédéras'yiém ç'ımafe wolyimpyiadexem apay nah k'équre ç'ıp'abe yieze şaçe zıç'ıxaxığem polyityike wuşhağuxer yiağ. awojıre yil'esxem wurısıé fédéras'yiér 2018-re dunaé futbol zenekokuryi dıxetew yintérnas'yiwonal zenekoku pstewmyi şaçe zıgorewştew xéğahe ıç'yi putyin şéğejağew keralığo eşhetétxer pemıç' keralığoxem yal`ıqome şaçe şıoç'ex. ca ğogumç'e dunaé swowobşéstvem yişhak'us'' şaçe kalemre wurısıér zegotxew, zexetxew tırarığatxenew pıl'ıx.

mıxer aşeze yit'anyi zıbğuç'e yistoryiér mıterezew keğel'ağo, şaçe tyixek'u ıgou zereşıtır awoşefew, kawogupşısığe kebarxemç'e aş yi wujxer tırağeç'ıjınew pıl'ıx ıç'yi l'eh'an zefeşhafxem şıtheç'ağe l'epkxer ıç'yi tyatejxer zıwç'ığexeryi dıxetew, axer şaçe zyiyağe şıpkexer aou dunaém make areğau awo çérkésxem yaguğuyi yapşısyi kaş`ırep.

mı h'ure pstewmç'yi tyiéqolaç'exer keoğen feyağ.

awo status-kvor rénew kezğenejı şoyiğo tyi xasexer, xebzejxem atétew psewre worg'anyizas'yié tyiexer, wurısıé fédéras'yiém zışhe of şeh'u zézımıferexer, mı ofımç'yi s'ıhe zerafetımış`ıremç'e tıxağewkwağep.

şaçe wolyimpyiadexem apewçüjıre, yi yistoryiém ıç'yi yinéuşre mafexem fegumeç'ıre xeğegupsexer (patryiwotxer) s''ıf k'up s''ıquxew kağel'eğonım ıwjı yitığex. awo l'eşew zerexewkwağexer betémışeu kagurıoşt.

tyi xase pstewryi, polyityik k'upew tyie pstewryi ıç'yi gumızağe pstewryi, aş ıpeç'e zefıryaağe zegurımıonığexer şağezıéu, zefedew zedıreğaştew, «çérkésyiém yikele şheeğağew şaçe wolyimpyiadexem tıfaép» zıs''e platformem şızeuç'enxew ıç'yi 2014 şaçe wolyimpyiadexem pewçüjığenır çérkésxem raş`ılağe l'epseqodır ıç'yi çérkésyiér zeredunaéu zel'yadğeşenım yiğogou zereşıtır zexatşeu «şaçe wolyimpyiadexem tıfaép» zıs''e baner l'ag'eu dexıéğenım pay tışüace.

orepsawo çérkésew(adıg'e) tıkenejınım yi baner

orepsawo çérkésyiér

çérkésyiém yixeğegupsexer

16 Eylül 2011 Cuma Saat 12:40
Sitemizin hiçbir vakıf, dernek vs. ile ilgisi yoktur. Sitede yayınlanan tüm materyallerin her hakkı saklıdır. Sitemizde yayınlanan yazı ve yorumların sorumluluğu tamamen yazarına aittir.
Siteden kaynak gösterilmeden yazı kopyalanamaz.
Copyright © Cherkessia.Net 2009 İletişim: info@cherkessia.net