Karakter boyutu :
Dr.Tegulan Yakup Temel
Щхьэ КъызхэдымгъэкIмэ, Щхьэ Къытхуэхъунухэщ
15 Nisan 2011 Cuma Saat 21:42
Тыркум аргуэру зы хэхэныгъэ къеблэгъащ. ИлъэсыплIым зэ екIуэкI парламентар хэхыныгъэр бадзэуэгъуэм и 12-м ягъэзэщIэнущ. Абы ,Жылэ Хасащхуэм и парламентару нэрыбгэ 550 щыхахынущ.
Политикэр, цIыхубэм я Iуэху зыблэхыным, цIыхухэм я гугъуехьхэр дэгъэкIыным, цIыхуцIыкIур мамыру, хуэщIауэ гъэпсоуным теухуа Iуэху ехьэкIыкIэуэ щыщыткIэ, адыгэхэри абы хуэIэкIуэлъакIуэуэ икIыи хуэIэижьыуэ щытын хуей щхьэкIэ, ди лъэпкъагъухэр иджыркIэ апхуэдэуэ щыткъым.Тыркум ис адыгэхэм я бжыгъэм елъытауэ, 40-м щIигъу адыгэ парламентар Хасэшхуэм хэтын хуея щхьэкIэ, абы иныкъуэм хуэдиз жыпIэми хъуркъым.Адыгэ лъэпкъ Iуэху зезыхуэ парламетари щыIэххэкъым жыпIэми ярейщ.
Апхуэдэуэ щIэхъу щIыкIэм щхьэусыгъуэ кIуэд иIэуэ къыщIэкIынущ.Дунейм и щIыпIэ куэдми щыапхуэдэщ ауэ Тыркум политикэ щыпщIыным нэхъ егъэлеяуэ, адыгагъэм, адыгэ културэм, адыгэ гупсысэм къемызагъ мыхъумыщIагъэ кIуэд къыдокIуэ.Тыркум политик утыку щыбубыду удэкIуэтеин папщIэ, куэдым щхьэщэ яхуэпщIын, къакIэлъыпкIухьын зэрыхуейм къыщымынэуэ, емыкIу-гуэныхь жомыIэн, уыкIытэр-напэр хэпхыжын щыхуей зэман куэди къохъ.
Iуэхум и курэкупсэм тэрэзу ухэплъэмэ, адыгэхэм цIыху зехьэкIэ ямыщIэуэ политыкэм щымгъуазэуэ зэрыщымытыр къыбгурIэнущ.Ипэжыпэм ухуеймэ, адыгэ Iуэху зехьэкIэр, адыгэ унафэ щыкIэр политикэ защIэуэ зэхэлъщ.Абы и шапхъэ куэдым адыгэхэм я тхыдэм ущыхуэзэнущ.Хэкуым щекIуэкIа Кавказ-Урыс зауэщхуэм лъапсэрых ящIыуэ лъахэм къыщрагъэIэпхъукIам щыгъуэ псоуапIэуэ яубыда щIыналъэхэм языхэзу щыт Узун-яйлэ шIыпIэм, адыгэхэм языхуаку къыдэхъуэ Iуэху къыиныгъуэхэр лIыщIхьэхэм политикэр къагъэIуэрыщIэурэ хъарзынэкIэурэ зыблахыуэ щытащ.Проблэмхэр фIырыфIкIэ къэралыгъуэм нагъэстэкъым, зауэ-банэ къимыкIыуэ, псоми я аразыныгъэ хэлъу псалъэ шэрыуэкIэ зэхагъакIт.
Тыркум мазитI нэужьым екIуэкIыну парламентар хэхэныгъэм хэхьэну партхэм я кандидатхэр иджыблагъэ наIуэ къащIащи, ахэм адыгэ зэрызыхэ фIэкIа зарыхэмытыр лъэпкъымкIэ гукъеуэшхуэщ.
Аращи, лъэпкъыуэ дыпсоун дыхейуэ щытмэ,Адыгэ Хэкуми(Черкеся),Тыркуми, дунейм адыгэ щыпсоу адрей къэралхэми я политик гъэщIэм лъэ быдэкIэ зыхэдымгъэзэну Iэмал иIэкъым.ЩытыкIэм зедгъэкIууэ политикэр къэдгъэIуэрыщIэм фIэкIа хэкIыпIэ диIэкъым.
Тэгъулан Екъуб
Политикэр, цIыхубэм я Iуэху зыблэхыным, цIыхухэм я гугъуехьхэр дэгъэкIыным, цIыхуцIыкIур мамыру, хуэщIауэ гъэпсоуным теухуа Iуэху ехьэкIыкIэуэ щыщыткIэ, адыгэхэри абы хуэIэкIуэлъакIуэуэ икIыи хуэIэижьыуэ щытын хуей щхьэкIэ, ди лъэпкъагъухэр иджыркIэ апхуэдэуэ щыткъым.Тыркум ис адыгэхэм я бжыгъэм елъытауэ, 40-м щIигъу адыгэ парламентар Хасэшхуэм хэтын хуея щхьэкIэ, абы иныкъуэм хуэдиз жыпIэми хъуркъым.Адыгэ лъэпкъ Iуэху зезыхуэ парламетари щыIэххэкъым жыпIэми ярейщ.
Апхуэдэуэ щIэхъу щIыкIэм щхьэусыгъуэ кIуэд иIэуэ къыщIэкIынущ.Дунейм и щIыпIэ куэдми щыапхуэдэщ ауэ Тыркум политикэ щыпщIыным нэхъ егъэлеяуэ, адыгагъэм, адыгэ културэм, адыгэ гупсысэм къемызагъ мыхъумыщIагъэ кIуэд къыдокIуэ.Тыркум политик утыку щыбубыду удэкIуэтеин папщIэ, куэдым щхьэщэ яхуэпщIын, къакIэлъыпкIухьын зэрыхуейм къыщымынэуэ, емыкIу-гуэныхь жомыIэн, уыкIытэр-напэр хэпхыжын щыхуей зэман куэди къохъ.
Iуэхум и курэкупсэм тэрэзу ухэплъэмэ, адыгэхэм цIыху зехьэкIэ ямыщIэуэ политыкэм щымгъуазэуэ зэрыщымытыр къыбгурIэнущ.Ипэжыпэм ухуеймэ, адыгэ Iуэху зехьэкIэр, адыгэ унафэ щыкIэр политикэ защIэуэ зэхэлъщ.Абы и шапхъэ куэдым адыгэхэм я тхыдэм ущыхуэзэнущ.Хэкуым щекIуэкIа Кавказ-Урыс зауэщхуэм лъапсэрых ящIыуэ лъахэм къыщрагъэIэпхъукIам щыгъуэ псоуапIэуэ яубыда щIыналъэхэм языхэзу щыт Узун-яйлэ шIыпIэм, адыгэхэм языхуаку къыдэхъуэ Iуэху къыиныгъуэхэр лIыщIхьэхэм политикэр къагъэIуэрыщIэурэ хъарзынэкIэурэ зыблахыуэ щытащ.Проблэмхэр фIырыфIкIэ къэралыгъуэм нагъэстэкъым, зауэ-банэ къимыкIыуэ, псоми я аразыныгъэ хэлъу псалъэ шэрыуэкIэ зэхагъакIт.
Политикэ жыхуIар аракъэ нытIэ?
Адыгэхэм, егъащIэ лъандэрэ, лIитI гъуэгу зэдэтеувэмэ зыр тхьэмадэуэ ягъэуву, зэгъауIуауэ унафэ къыздащтэуэ къогъуэгурыкуIэри, нобэй абы дрикIуэурэ къытщыщу зигуащIэ илъ цIыхухэр политикэм тедгъэгушхуэурэ утыку идгъэхьэн хуейщ.Ар мыхъумэ, къытщымыщхэр тепщэ къытхуэхъункIэ зэфIэнэнукъым.Тыркум мазитI нэужьым екIуэкIыну парламентар хэхэныгъэм хэхьэну партхэм я кандидатхэр иджыблагъэ наIуэ къащIащи, ахэм адыгэ зэрызыхэ фIэкIа зарыхэмытыр лъэпкъымкIэ гукъеуэшхуэщ.
Аращи, лъэпкъыуэ дыпсоун дыхейуэ щытмэ,Адыгэ Хэкуми(Черкеся),Тыркуми, дунейм адыгэ щыпсоу адрей къэралхэми я политик гъэщIэм лъэ быдэкIэ зыхэдымгъэзэну Iэмал иIэкъым.ЩытыкIэм зедгъэкIууэ политикэр къэдгъэIуэрыщIэм фIэкIа хэкIыпIэ диIэкъым.
Тэгъулан Екъуб
Bu yazı toplam 3831 defa okundu.
Bu yazıya yorum eklenmemiştir.