Анадолэм  ику дыдэм  къинэ , Тыркум  и къалащхьэ Анкарэр, щ|ымахуэм щ|ы|э-уагэм  усписык|ыу уэлбанэ хъу хабзэщ. Щ|ышылэм и  5-м  хуэзэ щэбэт  махэри апхуэдэт ,пщэдджыжым уэс кърипхъыхыу къыщ|идзэри, иужьым  шыц| уэс  жыхуа|эм хуэк|уат..

Анкара  зэзэмызэ сыкъак|уэ мыхъумэ ,зэик| сыдэсатэкъым, абы  къыхэк|ыуи, и гъуэгухэми щ|агъуэ  сыщыгъуазэтэкъым. Т|эк|у  къэслъыхъуами, щэджагъу нэужьыф| хъуат, УФ-м и л|ык|уэм и хэщ|ап|эм ( посолсвом) сыщынэсам.Гъэгухэр яубыдауэ, хэщ|ап|эм и бжэ|упэм  |узу |утт полицэхэр ауэ, пэк|у езгъэк|уэк|ынухэр  къек|уэл|ак|этэкъым ц|ыху зэрыз-т|урыт|  ф|эк|а.

Сирием и  къэралк|уэц|  зауэр къэзэрыжьерэ илъэсит| хъуащи, зэрыхь-зэрыл|ым хыубыда Адыгэхэм  папщ|э  дауэдапщэ  щок|уэк|  Тыркум алъандэрэ. Мис иджы нобэй, ахэм яз зы  щыхъунут  къалащхьэм..

Мызэгъуэгу зэхыхьэр зэхэсшар, Кавказ Хасэхэм я федерацэрат (КАФФЕД). Нэгъуэщ|  гупхэм куэдрэ ялэжьами, нобэ къэсыхук|э , Каффедыр зэик|  |ухьатэкъым  УФ-м и

' бжэ|упэм ’. Сирие Адыгэхэм къащхьэщыжу, Уф-м, тхыгъэрэ лъэ|ук|э зыбжанэрэ зыхуагъзами, далэ къэс  зэрыхъуу щ|ык|эу, щ|агъуэ къыщыхуемгугъум, уэрамым дэмыхьэну |эмал имы|э хъуат..

ДАХ –м  (Дунейпсо Адыгэ Хасэм) хэт Каффедыр, ф|ырыф|к|э утыкум пхуихьэнутэкъым |эмалыншэ дыдэ мыхъуатэмэ..

Уф-р, Каффедыр  нэгъунэ ип|э  щыришыфак|э, тэк|у зык|элъыплъыжыну хуейуэ къыщ|эк|ынщ. Каффедыр, шхыдэ хъущ|э псалъэк|э Уф-м и  посолсвэм и гупэм и щыпэ |ухьат  нобэр, нэрыбгэ 1000-м неблагъэй къызэхуэсат хъущ|эшхыдак|уэууэ..

Каффедым  ищ|э илъэжь |уэхугъэ куэдым  теубыхь Адыгэ Хэкупсэхэри ипэ къихуэу, нэгъуэщ| адрей гупхэми къыда|ыгъащ мы |уэхур ик|и къадыхэтащ мы пэк|ум.

Уэрамым гуо макъыу щы|уар, псалъафэу къыщ|ек|уэк|ар зытещ|ыхьар ’Черкес‘ жы|эк|эрат ;  “ Сирие Черкесхэм  я адэжь ш|ыналъэр Черкесиящ ,,!»

Каффедми и |этащхьэм и жыэ|к|эу,

мис мырат утыкум нэхъ щыплъагъу, нэхъ щысхэпх псалъэр..

Дунейпсо утыкум, адыгэхэм  я ц|эр ’ Черкес ‘хъун зэрыхуейр нахуэ къащ|ащ нобэ къысхуэсахэм.

Си  гугъэмк|э, УФ-р, адыгэ пэк|ухэм еплъ къудейуэ къимыгъэнэу, к|элъыплъыжу тегупсысыхьын хуейщ адыгэхэр утыкум  къихьэрей щ|эхъуа щ|ык|эм, нэхъ  ‘|эсэ ‘ дыдэу щыт Каффедыр  нэгъунэ ип|э иша щ|эхъуа щ|ык|эм..