Урыс – Кавказ зауэр иухыу я Хэку кърагъэ|эпхъук|а Адыгэхэр, зыхэта бэлыхьхэмрэ гугъехьхэмрэ щхьэлажьэ ищ|ауэ псоуащ зыкъомрэ,

Къыздэк|уа хамэ жылагъуэхэми щытыншакъым , зауэрэ – банэрэ къэргъэшыргъэрэ хэта мыхъумэ ..

Гуауэмрэ гуузымрэ я щхьэ къаригъ|этакъым , къэхъуакъэщ|ами гупсэххуэ егупсысыфакъым зыкъомрэ, ягу иуда хъуати..

Я бынхэми , ящ|эблэми хуа|уэтакъым убгъуауэ |ухур зытетыр,

Жа|э къудейт ди нэхъыжьхэм мыпхуэдэ тэк|ухэр;

« Дэ дыадыгэщ , хабзэщ ди гъуазэр, напэмрэ ц|ыхугъэмрэ псом япэщ, адыгэбзэщ ди бзэр дысхэсыри бзэмы|ущ »..

Абы иужьи , я щхьэр ирагухти хэплъэурэ къыпадзэжт, « Зы Хэку, зы Хэкужьи ди|эгъэщ дуней жэнэту, адэ жыжэ къэнауэ »..

Сытыт ныт|э Хэкуыжьым и щхьэ кърик|уар ? ..|эщ|ыб ящ|ащ мыбы и жэуапыр инэхъыбэм ,

Зэзэмызэй, уэрэдыжьхэр, |уэры|уатэхэр, хъыбарыжьхэр къыхадзэт ..

Ауэ псалъэр мыбы ф|агъэк|акъым ягу къритхъык|ми,

Уэсмэн империем и к|эуххэм хуэзэуэ, тэк|у зкъысщ|акъуэжу ««зкъэубэлэцыжа » нэужь, политикэ и лъэныкъуэуэ егупсысыфын гукъыдэж ща|э щыхъум, хасэхэр, еджап|эхэр зрагъэпэщас, адыгэбзэк|э газэтхэр къыщ|агъак|и хъуащ,

Арщхьэк|э абыи къуэдрэ ирагъэк|уакъым,

Уэсмэн Пащтыхьыгъуэр зыхэкъутэу къэралыгъуэщ|эуэ Тырку Республикэр яухуа нэужь, Черкес лъэпкъыр т|эк|у къыдэжу зкъиужыжь хъуа къудеуэ , адыгэхэм я хасэхэри, еджып|эхэри, газэтхэри ягъэбыдэжащ,

« Хъурыпэ пыуд » хъуат, адыгэхэм я гурылъхэмрэ гухэлъхэмрэ аргуэру, иджыри аргуэру зэ...

Тырку къэралыгъуэм, адыгэхэр дикъузэм дикъузэурэ |эмал яригъэгъуэтакъым лъэпкъ |уэху зэрахуэну ,

Ц|ыхум ифэр |увщ, куэд ифэ дохуэ жа|э, адыгэхэми куэд яфэ дэхуащ,

Иужьк|э , к|уэпэтрэ тыркуми демократие хабзэхэр тепщэ хъури , ипэ щ|ык|э « Кавказ » зи ц|э хасэхэр зыхашащ ..Иджыблагъэй , адыгэхэр дунейпсом къызэрац|ыху адрей я лъэпкъыц|эмк|э, « Черкес » ц|эмк|э, ц|ыхубэ зэгуэхьэныгъэхэр зрагъэпэщ..

Иджы, 21 –нэ л|эщ|ыгъуэм и пэщ|эдзэм, дунейм зехъуэж ф|ым и лъэныкъуэк|э, дэнэ лъэныкъуэк|эй демократие хабзэхэр щыпхык| мэхъу ,

Ц|ыхухэр, нэхъ зэрыщ|эф, нэхъ зылъэ|эсыф, зык|элъык|уэфыуэ щытщ, зэрыжа|эу « Дунейр пк|эгъуит| хъуащ »..

Абы къыдэк|уэу, адыгэхэм куэдк|э я нэхъыбэр нобэ къалэдэсщ, дунейм дэнэ щэ|э адыгэри, зыроц|ыху, зопсалъэ, зык|эл|ок|уэ ,

Я гукъеуэхэмк|э, я гуф|эгъуэхэмк|э, я проблэмхэмк|э зыдэгуашэ зэчэнджэщ хъуащ,

Я бынхэр йоджэ, университетхэм мак|уэ, щ|эныгъэ зэрагъэгъуэт..

Хабзэ - бзыпхъэмрэ лъэпкъыбзэмрэ нэхъ я|эщ|эху хъуами , щ|эныгъэ яхэлъщ , дунейм къыщыхъу-къыщыщ|эхэм щыгъуазэщ , политикэ гупсысэ я|э хъуащ , нэхъ гущхуэ нэхъ утыку я|эщ ,

Нэхъ хуэкъулейщ , нэхъ губзыгъэщ иджырей щ|эблъэр,

Жыс|энуращи , Адыгэм къыин куэд ишэчами, щ|эблэщ|э къаунэхуам лъэпкъ |уэху зырехуэ иджы , жылагъуэ политикэ ещ|..

Нобэрей щ|эблэр пхуэгъэбыяужьыфынукъым, « Дыадыгэщ, дызылъэпкъщ, зы Хэку ди|эщ » жып|э къудейк|э..

Абы къыпок|э мы упщ|эхэр ик|эщ|ып|эк|э;

« Сыт щыди|уэхур хамэ жылагъуэхэм, дуней псом икъухьа дыщ|эхъуар л|о, лъэпкъым хэт мы лейр къесхар ? »

Иджылагъэ Сирием щек|уок| зауэ - банэмрэ, къэблагъэ Сочэ олимпиадхэм нэхъ къысщ|игъаплъащ мы гупсысэхэр,

Псэ зыпылъхьэп|эм хэт Сирие адыгэхэм хуэфащэ гулъытэ зэрихуим|ыщ|ыр, уеблэмэ, гулъытэ хуищ|ын дэнэ къэна, я адэжь щ|ыналъэм згъэзэжын зи мурад черкесхэм лъэпощхьэпоуэ дунейм тетыр къызэрихуигъэувым, егъэлеяуэ ц|ыхухэр хуегъэдзэлашхэ Урысей Федерацэм ,

Ауэ ер нэхъ къызрык|ри аракъым, ат|э, мазит|-щы нэужьым Сочэ щек|уэк|ыну щ|ымахуэ олимпиадхэращ .Тыркум зымыщ|э щэ|эжькъым Сочэр адыгэ щ|ыналъэу зэрыщытар, а къалэри , Урыс Пащтыхьыгъуэм Адыгэхэм къарищ|ыл|а зауэр щиуха щ|ып|эуэ зэрыщытыр, а щ|ыналъэм яук|а адыгэхэм я кхъэхэри зэрыщ|элъыр. Мамырыгъэмрэ зэкъуэшыныгъэмрэ тегъапсыхьэ хъун хуей олимпиадхэр, лъэпкъ гъэк|уэдрэ лъапсэрыхрэ къыщыхъуа щ|ыналъэм зэрыщащ|ынур ягу техуэкъым Черкесхэм. Хэхэс адыгэхэм, зэи тхьэм ещ|эри зэпсоми Сочэ олимпиад зэрыщек|эк|ынур хьэдэгъуэдахэуэ ялъагъу.

Лъапсэрыхыр къыс|эщ|эщ|ар УФ-р армырауэ щытми, ар Урыс Пащтыхьыгъуэм и щ|эин къэралу зэрыщытыр зымыщ|э щэ|экъым . Ат|э |уэур зезгъэзэхужын хуейр Уф –ращ жа|э псоми . Арщхьэк|э , илъэс 150 ипэ адыгэ щ|ыналъэу щыта олимпиатхэр щек|уэк|ыну мы щ|ып|эм , Сочэм, адыгэ егъащ1эм зэик| имиса нэхъей , ахэм я ц|э къызэрамы|уэр адыгэхэмк|э шэчыгъуаф|экъым.

Сэ сызрегупсысыр аращи, Уф –м игъуэ къыхуихуащ к|уэху къепхъэшэк| адыгэхэм иф| зыхуищ|ыжынымк|э ;

Сыт игъуэуэ къихуар ?

УФ-м, Урыс Пащтыхьыгъуэм и зэманым адыгэхэм къахуэк|уа лъэпкъгъэк|уэдымрэ лъапсэрыхымрэ къэбыл ищ|у олимпиадхэм хуэфащэ пщ|э къахуищ|мэ,

Ит|анэ, Сирие адыгэхэмрэ дунейм щикъухьа адрей черкесхэмрэ ящыщу Хэкум къэзгъэзэжын хуейхэм дэ|эпыкъу щытмэ, « Адыгэхэм я лыр к1ерыпщ|эжынущ Урысхэм я лым »..

Мыбы , Уф –ми иф| хэлъщ, ик|и ипщ|эр щи|этынущ дуней псом,

Иджыблагъэ '' къыщепщэ жыр '' мыпхуэдэщ Тыркум.

Ар зэзхъуэк1ыжыфынури УФ - ращ...

Тэгъулан Екъуб, Истамбыл